педагог ұйымдастырушының лауазымдық міндеті

Мекеменің атауы: «Алматы облысының білім басқармасының Ұйғыр ауданы бойынша білім бөлім» мемлекеттік мекемесінің «Долайты орта мектебі» отдела образования Шуского района

Лауазымдың аты-жөні: Долайты орта мектебінің -педагог ұйымдастырушысы- Хелилова Назигуль Мухтаржановна

1.Жалпы ережелер

1.1.Педагог-ұйымдастырушы қызметке директоры тарапынан қабылданатын және босатылады.

1.2.Біліктілік талаптары.Педагог-ұйымдастырушы лауазымына орта және жоғары кәсіби білімі бар тұлға, жұмыс стажына талап қойылмастан қабылданады.

2. Лауазымдық міндеттері

Педагог-ұйымдастырушы төмендегідей міндеттер атқарады.

2.1.оқушылардың(тәрбиеленушілердің, балалардың) тұлғалық дамуына, олардың таланты мен қабілет-қарымын қанаттандыруға, жалпы мәдениетті қалыптастыруға, әлеуметтік салалардың педагогтануына ықпал етеді;

2.2. тұрғылықты мекен-жайлары  бойынша білім алушы оқушылардың (тәрбиеленушілердің, балалардың) жас және психологиялық ерекшеліктерін, қызығушылығы мен қажеттілігін зерделейді, оларды әртүрлі шығармашылық қызметте іске асыруларына жағдай жасайды;

2.3 балалар клубтарының, үйірмелерінің, секцияларының және басқа да әуесқой бірлестіктердің жұмыстарын, оқушылар ( тәрбиеленушілер, балалар) мен үлкендердің бірлескен шараларын ұйымдастырады;

2.4. қызметі бойынша техникалық, көркем шығармашылық, спорттық, туристік-өлкетанушылық т.б. бағыттарына жетекшілік етеді;

2.5. балалар ассоцияцаларын, бірлестіктерін құруға байланысты бала құқықтарының жүзеге асуына ықпал етеді;

2.6. кештер, мейрамдар, жорықтар, экскурсия ұйымдастырады, оқушылардың (тәрбиеленушілердің, балалардың) бос уақытын өткізу, ойын-сауық жөніндегі әлеуметтік мәні бар бастамаларын қолдайды;

2.7.мәдениет және спорт мекемелерінің қызметкерлерін, ата-аналарды, жұртшылдықты оқушылармен (тәрбиеленушілермен, балалармен) жұмыс жүргізуге тартады,

2.8. еңбек қорғау, қауіпсіздік техникасы және өрт қауіпсіздігі ережелері мен нормаларын сақтайды;

2.9. білім беру процесі кезеңінде тәрбиеленушілер өмірі мен денсаулығының қорғалуын қамтамасыз етеді;

3. Білуге тиісті

Педагог-ұйымдастырушы мыналарды білуге тиісті.

-ҚР Конституциясын, ҚР заңдарын, ҚР Үкіметі мен білім беру ісін басқарушы жергілікті органдардың білім беру мәселелері бойынша шешімдерін;

-бала құқықтары туралы конвенция;

-жас ерекшеліктері педагогикасы мен арнайы педагогиканы, психологияны, физиология мен гигиенаны;

-оқушылар (тәрбиеленушілер) ынтасы мен талап-тілектерін дамытудың өзіндік ерекшеліктерін, олардың шығармашылық негіздерін;

-жас таланттарды іздестіру мен оларды қолдау әдістемесін;

-ғылыми-техникалық, эстетикалық, туристік-өлкетанушылық, сауықтыру-спорт, бос уақытты өткізу, ойын-сауық бағыттары бойынша шығармашылық түрлерінің біреуін, оның мазмұнын, әдістемесі мен ұйымдастыру тәсілдерін;

-үйірмелер, секциялар, клуб бірлестіктері сабақтарының бағдарламаларын;

-балалар ұжымдары, ұйымдары мен ассоциациялары қызметінің негіздерін;

-еңбек қорғау, қауіпсіздік техникасы және өрт қауіпсіздігі нормалары мен ережелерін;

4.Құқықтары.

Педагог-ұйымдастырушы мыналарға құқылы;

4.1.басқару ісіне  қатысуға, өзінің кәсіби абыройы мен намысын қорғауға;

4.2. оқыту және тәрбие беру әдістемелерін, бекіткен бағдарламаға сәйкес оқу құралдары мен материалдарын, оқулықтарды еркін тағдап алуға;

4.3. өз қызметінің мәселелері бойынша директорының қарауына ұсыныстарды ендіруге;

4.4.басшылығы мен мамандарынан өз қызметін жүзеге асыруға қажетті ақпараттарды алуға;

4.5. лауазымдық міндеттерін орындауға басшылығынан көмек көрсетуді талап етуге;

4.6. еңбек қорғау талаптарына сай жұмыс орнымен қамтамасыз етілуге, жұмыс берушіден жұмыс жағдайлары туралы нақты ақпараттар алуға;

4.7. кәсіби біліктілігін көтеруге, аттестациядан өтуге;

5.Жауапкершілігі

Педагог-ұйымдастырушы мыналарға жауап береді:

5.1.осы нұсқаулықта қарастырылған өз лауазымдық міндеттерін орындамаған немесе тиісті дәрежеде орындамағаны үшін-қолданыстағы ҚР Еңбек кодексіне сәйкес;

5.2.келтірген материалдық залалы үшін –қолданыстағы ҚР Еңбек кодексіне сәйкес

Нұсқаулықпен таныстым:

_____________________